موضوع اور من گھڑت کتابیں

 از    November 18, 2014

                                                                                        تحریر:                     حافظ زبیر علی زئی  
          جس طرح جدید دور میں بعض کذابین نے “الجزء المفقود من مصنف عبدالرزاق” کے نام سے ایک کتاب گھڑلی ہے ،اسی طرح پہلے ادوار میں بھی بہت سے کذابین و متروکین نے مختلف اجزاء اور کتابیں گھڑی ہیں جنہیں محدثین کرام نے علمی و تحقیقی میزان میں پرکھ کر موضوع، باطل اور مردود قرار دیا ہے ۔ ان من گھڑت کتابوں میں سے بعض کتابوں اور ان کے گھڑنے والوں کا ذکر درج ذیل ہے:
۱:        الاربعون الودعانیہ ]اسے زید بن رفاعہ الہاشمی اور ابن ودعان نےگھڑا ہے ،دیکھئے ذیل اللآلی المصنوعہ للسیوطی ص ۲۰۲[
۲:        نسخہ ابی ہدبہ عن انس (اس کا راوی ابراہیم بن ہدبہ کذاب ہے ۔ دیکھئے میزان الاعتدال ۷۱/۱)
۳:       نسخہ نبیط بن شریط (اسے احمد بن اسحاق بن ابراہیم بن نبیط بن شریط نے گھڑا ہے ، دیکھئے میزان الاعتدال ۷۱،۷۲/۱)
۴:       نسخہ اباء بن جعفر (اس کا راوی اباء بن جعفر کذاب ہے / میزان الاعتدال ۱۷/۱)
۵:       مسند الربیع بن حبیب (اس کے بہت سے راویوں میں سے ربیع بن حبیب مجہول ہے۔ نیز دیکھئے کتب حذر منہا العلماء ج۲ ص ۲۹۵۔ ۲۹۷) یہ ساری مسند موضوع ہے ۔
۶:        مسند زید بن علی (اس کا راوی عمرو بن خالد الواسطی کذاب ہے)
۷:       نہج البلاغہ (بے سند کتاب ہے ۔ شریف رضی اس کے ساتھ متہم ہے یعنی اس نے اسے گھڑا ہے )
۸:       تعبیر الرؤیا المنسوب الیٰ ابن سیرین (یہ بے سند و بے ثبوت کتاب ہے)
۹:        تنویر المقباس / تفسیر ابن عباس (یہ ساری تفسیر ساری موضوع ہے دیکھئے ماہنامہ الحدیث : ۲۴ص ۴۹تا ۶۱)
۱۰:       المجالسۃ و جواہر العلم (اس کا راوی احمد بن مروان بن محمد الدینوری بقولِ دارقطنی : کذاب ہے ، دیکھئے لسان المیزان ۳۰۹/۱ ، اس کے بارے میں مسلمہ بن قاسم ضعیف مشبہ کا قول مردود ہے )
          اسی طرح اور بھی بہت سی کتابیں موضوع اور من گھڑت ہیں جن سے بعض جاہل اور بدعتی حضرات استدلال کرتے رہتے ہیں ۔ تفصیل کے لئے دیکھئے الشیخ الصالح ابوعبیدہ مشہور بن حسن آل سلمان کی کتاب “کتب حذر منہا العلماء ” میزان الاعتدال ، لسان المیزان … (۲۱ جمادی الاولیٰ ۱۴۲۷؁ھ)
وما علینا إلا البلاغ                     

نئے مضامین بذریعہ ای میل حاصل کیجیے

تمام مضامین

About Tohed.com

Tohed.com is an Urdu Islamic Website, aiming to preach true Islamic Information based on Qur'an and Sunnah. Here you can find out hundreds of urdu articles by reputed scholars. It's a completely non-commercial project with an objective to propagate Information about Islam in native language for the sub-continent readers.